Abbaan alangaa Taayyee Dandaa irratti himannaa haaraa sadii bane!
Abbaan alangaa Ministira Nageenyaa duraanii fi miseensa caffee Oromiyaa obbo Taayyee Danda’aa irratti himannaa haaraa sadii banuu isaa abukaatoon isaa obbo Abarraa Nugus .
Taayyee Danda’a dhaddacha isaa duraanii irratti himannaa sadeen kanaan dura ittiin himatame keessaa lama bilisa ta’uun, yaada adabbii har’a Sadaasa 15, 2018tti kan beellamame ture.
Haa ta’u malee, har’a abbaan alangaa himannaa haaraa biroo sadii Obbo Taayyee irratti baneera jedhan obbo Abarraa Nugus .
Himannaawwam 3n Abbaan Alangaa obbo Taayyee irratti baname;
1ffaa: obbo Taayyeen gaaffiifi deebii “Horn Conversation” miidiyaa jedhamu irratti taasiseen gocha olaantummaa seeraa fi sirna olaantummaa seeraa biyyattii xiqqeessuu raawwateera kan jedhe yoo tahu akkasumas Humna hidhate, hidhattoota Shanee fi Faannoo deeggaruun olola raawwateera jedhee:
2ffaa: Gaaffii fi deebii walfakkaatu keessatti haleellaa ittisa Iizii kaabaa irratti raawwatame ilaalchisee odeeffannoo sobaa kennuudhaan maqaa ittisaa xureessuun himatamee jira.
3ffaa: Maqaa mootummaa karaa dimokiraasiin filatame xureessuu fi waa’ee mootummaa odeeffannoo sobaa karaa miidiyaadhuma Horn Conversation jedhamu facaasuun himatame..
