Ogeessi seeraa Girmaa Baqqalaa Goobanaa Bunnoo Beddelleetti hidhamtoota Siyaasaa Mirga wabii eegde jechuun hidhame‼️
Godina Buunnoo Beddellee Aanaa Daaphoo Annaatti abbaan murtii sababa hidhamtoota siyaasaaf mirga wabii eegeef hidhame.
Godina Buunnoo Beddellee Aanaa Daaphoo Annaatti dorgaggoonni Oromoo hedduun sababa mootummaa pp mormitu jedhamanii shakkamaniif yeroo hedduuf waajjira poolisii keessatti dararamaa turuun mana murtiittis dhiyaachaa turaniiru.
Haala kanaan wanti yakkaan isaan himachiisu ykn adabsiisu waan hin jirreef, dargaggoonni hedduun beellama mana murtii aanichaatti dhiyaachuun Hagayya 25-29 kanneen dhiyaatan hedduuf mirgi wabii eegamee gad lakkifamuudhaan wal qabatee abbaa murtii aanichaa kan tahe ogeessi seeraa Girmaa Baqqalaa Goobanaa jedhamu guyyaa, Fulbaana 1/2025 qabamee waajjira poolisii aanichaatti hidhamee dararamaa jira.
Sababni hidhamuu Abbaa Seeraa Girmaa Baqqalaa , mirga wabiitiin hidhamtoota siyaasaa Oromoo gadi lakkifte jedhamuudhaan akka tahes ragaan achirraa nu qaqqabeera ifa godha.
Manni murtii bilisaan dhimma yakkaa fi himata namaa irratti murtii kennuu seerri biyyattii fi kan addunyaalessaa hayyamullee, himata ragaa hin qabnee dargaggoota Oromoo irratti dabaa fi shiraan xaxame, ija seeraatiin laalee kan manni murtii mirga wabiin gadi lakkise, murni faashistii pp olaantummaa seeraa ifatti sarbuun Abbaa murtii kana hidhee dararaa jira sirni PP kan namoota dhuunfaan hogganamu.
