WASHINGTON – Ajjeechaa hogganaa Adda Bilisummaa Oromoo Bate Urgessa, Oromiyaa magaalaa Meki keessatti raawwatame hordofee, Dura taa’aan koree hariiroo alaa Seenetii U.S. Senator Ben Cardin (D-Md) ibsa kennaniiru.
”Ajjeechaan Kibxata halkan Baatee Urgessaa irratti raawwatame kan nama rifachiisu fi kan nama mufachiisu ture. Maatii kana dhabuu isaaniitiif jajjabina hawwa, aanga’oonni Itoophiyaas qaamni idil-addunyaa amanamaa, giddu galeessa ta’e tokko du’a Obbo Baatee irratti qorannoo gadi fageenya qabu akka gaggeessu akka hayyaman nan gaafadha. Ajjeechaan seeraan ala, rakkinni, fi ukkaamsi siyaasaa, yeroo dheeraaf, Oromiyaa keessatti bakka barame ta’ee jira. Mootummaan Abiy Oromiyaa qofa osoo hin taane, guutummaa Itoophiyaa keessatti mormitoota siyaasaa, miidiyaa, fi mormitoota irratti dhiibuun nageenya dhabuu fi walumaa galatti tasgabbii dhabuu biyyattii bal’inaan akka mul’atuuf gumaacha godheera. Qaamoleen imaammata ukkaamsaa fi miidhaa irratti itti gaafatamummaa qaban gocha isaaniif saaxilamanii itti gaafataman yeroon darbee jira jedheera.
