Hiriirri Tumsa Haqa Oromoo jedhu biyya UK magaalaa Landan keessatti Sadaasa 10 bara 2025 adeemsifame.
Kaayyoon hiriira kanaa dhiittaa mirga namoomaa fi ajjeechaa Itoophiyaa keessatti ummata Oromoo irratti raawwatu akkasumas weerarrii daangaa Oromiyaa akka dhaabbatuu fi hawaasa Idil-addunyaa irraa xiyyeefannaa akka argatuufi jedhan.
Weerara daangaa Oromiyaa irratti raawwatamaa jiruun humnoonni Finxaaleyyii Faannoo Lixa Oromiyaa fi giddugaleessaa keessatti ajjeechaa jumlaa ummata irratti raawwataa jiraachuu isaanii hiriira kanaan balaaleefachuu ibsani jiru.
Akka Dr. Gizaaw Taasisaa jedhanitti xiyyeefannaa hiriira kanaa;
Mootummaan Itoophiyaa dirqamaan daa’imman adda waraanatti bobbaasuu akka dhaabu, ajjeechaan Oromoo irraa akka dhaabbatu, Haleellaan koorniyaa akka dhaabbatuu fi waraanni Itoophiyaa keessatti adeemsifamaa jiru akka dhaabbatu jechuun gaafatani jiru.
Hiriira kana irratti haqni Haacaaluu Hundeessaa, Battee Urgeessaa fi miidhamtoota hunda akka bahu, hidhamtoonni siyaasaa Itoophiyaa keessaatti hidhaman akka hiikkaman, Biyyatti keessatti yakkamtoonni yakka raawwatan mana murtii idil-addunyaatti akka dhiyaataniif dhiibbaan akka taasifamuu gaafatani jiraachuu Dr. Gizaaw Taasisaa himani jiru.
Faannoon Oromiyaa keessaa akka bahu hiriirtonni gaafatani jiru.
Hiriira kanaan weerara mootummaan naannoo Somaalee Oromiyaa irratti taasisaa jiru akka morman kan himan Dr. Gizaaw Taasisaa, Magaalaan Dirree Dhawaa seenaanis, seeraanis, lafaanis, baay’inna ummataatinis kan Promooti jedhan.
Mootummaan UK fi Dhaabbanni Mallaqaa Idil-addunyaa deeggarsa mootummaa Itoophiyaatiif taasisu akka dhaaban gaafatani jiru.
Hiriira kana irratti dhiittaa mootummaan Itoophiyaa ummata irratti raawwataa jiru xalayaan waajjira ministira mummee UK beeksisuu isaanii himanii jiru.
