Barattoonni Yuunivarsiitii mootummaa Wixata sadaasa 17/2025 Ministirri Barnootaa Piroofeesar Berhaanuu Naggaan qajeelfamni barattoonni dhaabbilee barnoota olaanoo bara barnootaa waggaa sadaffaa erga xumuranii waggaa tokkoof tajaajila barsiisummaa akka kennan dirqisiisu bara barnootaa 2019 E C irraa eegalee hojiirra akka oolu beeksisuu isaanii hordofuun mormii mormiin ka’e.
Odeeffannoo arganne irraa akka hubannetti, yuunivarsiitiiwwan barattoonni mormii itti dhageessisan keessaa Yuunivarsiitii Amboo, Arsii, Bulee Horaa, Salaalee Madd Walabuu fi Dirre Dawaa dabalatee bakkoota birootti mormiin barattoota Yuunivarsiitii gaggeeffamaa ooleera.
Dhaadannoowwan barattoonni Yuunivarsiitii dhageesisan keessaa “Barattoota leenjii barsiisummaa hin fudhanneef tajaajila barsiisummaa biyyaalessaa kennuunis fudhatama hin qabu” kan jedhu ijoodha.
Piroofeesar Birhaanuun kaleessa Mana Maree Bakka Bu’oota Ummataatti qajeelfama haaraa kana ilaalchisee ibsa kennaniin, barattoonni digrii jalqabaa koorsii mala barsiisuu waggaa tokkoo fudhachuun barsiisota gahumsa qaban ta’uu akka danda’an akeekanii turan.
Mormiin barattootaa kunis tasa osoo hin yaadamiin kan ka’edha.
