Godina Wallagga Bahaa Aanaa Limmuutti Gandootiin Aanicha jala jiran hunda keessatti waraanni mootummaa kaadiroota qabatanii baadiyyaa keessa deemuun jaarsaafi jaartii utuu hin jedhiin nama hunda humnaa ol gibira kaffalaa jechuun hidhaatti guuraa jiru.
Torbee kana keessa Aanaa Limmuu M/Galiilaa keessatti manni hidhaa guutee namnii dhaabbachaa oolee bulaa jira.
Ammaan dura waqtiin Aanaa kanatti Gibbirri kaffalamu baatii kana hin turre kan jedhan hawaasni naannichaa amma garuu yeroo isaa malee fi humna keenyaan ol kaffalaa nuun jedhanii nu dararaa jiru kaabineen jedhan.
Yeroon Gibiraa sichi baatiin 2fi isaa ol hafee utuu jiruu amma kaffaltan malee mootummaan gubbaa irraa qajeelfama nutti kennee jira jechuun nama ammatti waan jedhame harkatti hin kennine hundaa hidhaa jiru.
Waanti hedduu nama gaddisiisu immoo jaarsolii umuriin isaanii 80 caale qabuun yoo maatiin keessa gibira kaffalanii nagahee fidan malee hin batan jechuun mana hidhaa keessatti dararaa guddaa agarsiisaa jiru jedha dhaamsi achii nu qaqqabe.
Kana malees akka Aanichaatti wal ga’ii taa’ameen dhimmi gibiraa addatti ka’uun kaadiroonni waltajjii gubbaatti dhaamsa kana hojii irra oolchaa waan gaafatamtan kaffalaa jechuun ajaja dirqamaa uummatatti dabarsanii jiru.
Kaabinoonni Aanaa akka waltajjii kaa’anii dirqama caasaa gandaatti kennanitti isinis amma booda waraana qabadhaatii namoota gibira kaffaluu didan horii isaan qaban dallaadhaa baasaatii bakka tokkotti walitti qabaatii gurguraa jechuun ajaja kennaniif jiru jedhan.
Bulchitootni gandaas nutis akkuma ijoolleen bosonaa oofan fakkeessi ee saawwaniifi horii manaa kan biroo hunda waraanaan oofnee gurguruun yoo gibira sassaabnee galii goone malee uummanni nuuf hin laatu jechuun waliif galanii hojiitti seenuuf jiru jechuun jiraataan naannichaa nuun gaheera.
Kana bu’uura godhachuun caasaan gandaas kaabinoota Aanaarraa dhufani Waraana qabatanii ganda keessa waliin deemuun namoota argatan qabanii dhaamsa horii keessan oofuuf yeroo xiqqootu nu hafa yoo ariitiin gibira hin kaffalle jedhu dabarsaa jiru.
Jiraattotni Aanaan Limmuu keessa jiran gama tokkoon haala nageenyaan qabeenyaan Ummataa finxaaleyyiin saamamee ummatni bakka tasgabbiin hojii idilee isaa hin dalagannetyi kaabineen PP ajaja gubbaa irraa dhufe jechuun haala hawaasni keenya keessa jiru ilaalcha keessa osoo hin galchiin uummata sodaachisuun yaaddoo guddaa ta’uu cinaatti saamamuuf jirra jechuun abdii kutannaa guddaa ta’ee jira.
