Gochi suukkanneessaafi daguuggaa sanyii tibbana Aanaa Abee Dongorootti uummata Oromoorratti raawwatame ammas dabalataan Magaalaa Angar Guuteetti raawwatamuuf akka jiru namoonni odeessa keessoo caasaa Faannoo Magaalicharraa argatan ifoomsan!
Wallagga Bahaa Aanaa Giddaa B/M Angar Guutee rakkoo guddaa keessa jiraachuufi humna Finxaalessa Faannootiin marfamtee uummanni Oromoo taa’ee du’a eeggachaa jiraachuu jiraataan achii yaada nuuf dhaameen dubbate.
Akkuma beekamu humni Faannoo Wallagga Bahaafi Horro Guduru Wallaggaa Aanota hedduu dhunfachuuf hojjetaa jiraachuun beekamaadha.
Haaluma kanaan guyyaa lama(2) dura Aanaa Abee Dongorootti Ganda Gaalessaa seenuun uummata nagaa jumulaan fixanii namuu awwaalcha malee hafeera.
Ammas humni kun dabalataan humna Faannoo qaxanaa keenyaa Magaalaa Angar Guuteetti agarsiifna jechuun magaalittii kallattii arfaniin marsanii jiraachuufi namuu kallattii kamiinuu magaalittii keessaa yoo ba’u nagaan deebuu akka dadhabe dhaammatu jiraattonni.
Akka fakkeenyaatti guyyaa kaleessaa hagayya 30/2025 garaย galgalaa barsiisaa #Fiqaaduu Gammachuu namni jedhamu magaalaa keessaa bahee gaafa gara magaalaatti deebiโutti qarqara Magaalichaatti humni magaalaa Angar Guutee marse kun qabuun ajjeesee reffasaa gatee jira.
Haala kanaan namoota magaalicha keessaa gadi bahan qabuun hedduuminaan miidhanii namoonni hedduun mana yaalaatti argamu.
Kana malees waggoota tokko dura humni Faannoo kun Magaalaa Angar kana cabsee seenuun namoota nagaa 100 caalan daqiiqaa muraasa keessatti fixuun, qabeenya Oromoo hedduu barbadeessuu isaanii gabaasuun keenya yaadatama.
Amma garuu akka gareen Faannoo kun jedhutti magaalittiitti humna Wallaggarraa qabu agarsiisuufi guutummaa uummata magaalaa sanaa dhuunfachuuf marsee ajaja qofa eegaa akka jirudha jiraattotni kan himan.
Kana malees humni kun qabeenya maagalittii saamuuf haala mijeeffachaa akka jiru odeessi arganne ni ifoomsa.
Kanaaf namuu erga dhumee iyyuurra ammuma fala akka barbaaduufi jiraattonni magaalichaas ofeeggannoo guddaa gochuun walii isaaniis quba qabaachaa akka deeman dhaamna!
