𝗗𝘂’𝗮𝗮𝗻 𝗢𝗳 𝗕𝗶𝗿𝗮𝗮 𝗗𝗵𝗮𝗯𝘂𝘂 𝗠𝗶𝘀𝗲𝗲𝗻𝘀𝗮 𝗕𝘂𝗹𝗲𝗲𝘀𝘀𝗮 𝗔𝗕𝗢 𝗝𝗮𝗮𝗹 𝗖𝗮𝗮𝗹𝗮𝗮 𝗥𝗼𝗼𝗿𝗿𝗶𝘀𝗮𝗮 (𝗧𝗮𝘀𝗳𝗮𝗮𝘆𝗲𝗲 𝗧𝗮𝗿𝗿𝗮𝗳𝗮𝗮 𝗚𝘂𝗿𝗺𝘂𝘂) 𝗜𝗿𝗿𝗮𝘁𝘁𝗶 𝗜𝗷𝗼𝗼 𝗗𝘂𝗯𝗯𝗶𝗶 -𝗔𝗕𝗢

𝗗𝘂’𝗮𝗮𝗻 𝗢𝗳 𝗕𝗶𝗿𝗮𝗮 𝗗𝗵𝗮𝗯𝘂𝘂 𝗠𝗶𝘀𝗲𝗲𝗻𝘀𝗮 𝗕𝘂𝗹𝗲𝗲𝘀𝘀𝗮 𝗔𝗕𝗢 𝗝𝗮𝗮𝗹 𝗖𝗮𝗮𝗹𝗮𝗮 𝗥𝗼𝗼𝗿𝗿𝗶𝘀𝗮𝗮 (𝗧𝗮𝘀𝗳𝗮𝗮𝘆𝗲𝗲 𝗧𝗮𝗿𝗿𝗮𝗳𝗮𝗮 𝗚𝘂𝗿𝗺𝘂𝘂) 𝗜𝗿𝗿𝗮𝘁𝘁𝗶 𝗜𝗷𝗼𝗼 𝗗𝘂𝗯𝗯𝗶𝗶 -𝗔𝗕𝗢

Addi Bilisummaa Oromoo (ABO) n miseensaa buleessa isaa Jaal Caalaa Roorrisaa du’aan of biraa dhabuu isaaf gaddi itti dhagahame akkaan ol aanaa dha.

Jaal Caalaa Roorrisaa (Tasfaayee Tarrafaa Gurmuu) giddu gala Oromiyaa Kaaba Shaggar magaalaa Sandaafaatti bara 1968 E.C/1976 tti abbaa isaa obbo Tafarraa Gurmuu fi haadha isa aaddee Tsiggee Dabbabaa irraa dhalate.

Jaal Caalaan umrii ijoollummaa isaa irraa kaasee qabsoo Bilisummaa Oromoo ABOn durfamutti bara 1983 E.C/1991tti daabalamuun dirqama dhaabni isaa itti kenne sududaan jaala bahataa turee dha.  Jaalli kun qabsoo ABO keessatti qooda fudhataa tureen dirree bahaatti eegduu Jaal Burruysoo Boruu ture. Gaafa Jaal Burruysoon wareegamu jaalli kun harka diinaa seenuun bulchiinsa sirna nama nyaataa abbaa irree TPLF jalatti ganna 6 fi ji’oota 4f Kibba Baha Oromiyaa Godina Baalee magaalaa Goobbaa ganda 03tti hidhamee hiraarfamaa ture.

Tasfaayee Tarrafaa jaal Caalaan 

mana hidhaa TPLF keessaa bahee qabsoo bilisummaa Oromoo Irbuu itti seene irraa hidhaa fi doorsisni diinaa osoo hin jilbiifachiisin magaalaa Finfinneetti sochii ijaarsa qeerroo keessatti qooda fudhachuun dirqama isarraa eeggamu bahataa tureera. Osoo hin turin marsaa 2ffaaf hordoffii diinaan bara 2000 E.C/2008 qabamuun mana hidhaa dhoksaa hin beekkamnetti ji’oota 7f hiraarfamaa eerga turee booda halkan dukkanaan baasanii Finfinnee naannoo Qabbannaatti gatanii deeman.

Jaal Caalaan hanga gaafa du’aan addunyaa irraa godaanuuttii magaalaa Finfinnee keessatti dirqama dhaabni isaa itti kenne ofitti fudhachuun bahataa tureera. Jaaal Caalaan/ Tasfaayee Tarrafaa Gurmuu maatii horatee abba ijoolee 3 dhiira 1 fi dubara 2 ti.

Jaalli keenya balaa konkolaataa isa mudateen Hagayya 29, 2017/Fulbaana 04, 2025 naannawa Finfinnee Koyyee Facceetti galgala saa’atii 8:00 pm tti lubbuun isaa darbe.

Sirni Awwaalcha isaa gaafa Fulbaana 5, 2025 Bataskaana Abboo Faransaay jedhamutti gaggeeffame.

ABOn maatii abbaa hin qabne ilmaan jaal Caalaa Roorrisaa ummanni Oromoo cina dhaabbachuun waan danda’aniin akka gargaaran dhaamaa, irra deebiin du’aan of biraa dhabuu jaal Caalaa Roorrisaa/Tasfaayee Tarrafaa Gurmuuf gaada itti dhagahame ibsataa, maatii, firoottanii fi Ummata Oromoo bal’aaf Obsaa fi jajjabina hawwa.

Qabsaawaan Ni Kufa! Qabsoon Itti Fufa!

Injifannoo Ummata Bal’aaf!

Adda Bilisummaa Oromoo

Fulbaana 7, 2025

Finfinnee