G/H/G/Wallaggaa Aanaa Abee Dongorootti Dubartoota Ulfaa fi Daa’imman dabalatee jiraattotni 6,000 ol tahan beekaaf saaxilamuun waan nyaatan dhabanii gargaarsa eeggachaa jiru.
Godina Horroo Guduruu Wallaggaa aaanaa Abee Dongoroo ganda Hoomaa Gaalessaa keessatti torbee darbe humni fi°nxileeyyii Faannnoo ofiin jedhan kan mootummaan ijaaree bobbaase Namoota 30 ol ajjeesuun jiraattota naannichaa guutummaatti qabeenyaa isaanii saamuun qe’eerraa buqqisuun ni yaadatama .
Yeroo ammaa Uummanni lubbuudhaan hafe qe’ee isaarraa buqqa’ee ganda #Gaareroo keessa qubatee jiraatullee gargaarsa dhabuun waan nyaatuufi dhugaatii dabee rakkoo hamaaf saaxilamee jira .
Daa’immman maatii waliin waan nyaatanii fi uffatan dhabanii haala dubbachuun namatti ulfaatu keessatti kan argaman tahan illee qaamni Mootummaas tahe miti Mootummaa jiraattota haala hamaa keessa jiran kana quba dhabaachuu dhabuun immoo caalaatti lubbuun isaanii balaa hamaaf saaxilamee jira. Haadholiin, dubartootni Ulfa, Abbootiinii fi Daa’imman rakkina guddaa keessatti kufanii harka ummata isaan qaqqabu eeggachuutti jiraatan illee ammas xiyyeeffannoo dhabuun qaamni isaaniif dirmate hin jiru.
Akka maddeen ifa godhanitti Uummatni qe’ee isaa irraa buqqa’e kun baay’inaan 6000 ol Akka tahanis ni himama.
Deessuun deeggarsa hatattamaa barbaadduu fi yaala qaban dabalatee Daa’imman xixiqqoon beelaan dararamaa jiru.
Ummatni Oromoo biyya keessaa fi alaa akkasumas lammiileen Oromiyaa fi dhaabbileen miti Mootummaa ummata kana akka isaan qaqqabuuf Waamicha isiniif dhiyyeessaniiru.
