Hoggantoonni Somaaliyaa fi Eertiraa waldhabdeen naannoo dabalaa jiru keessatti ‘abbaa biyyummaa, qulqullina naannoo’ Somaaliyaa irratti mari’ataa jiru.
Prezdaantiin Somaaliyaa Hasan Sheek Mohamud fi prezidaantiin Eertiraa Isaayyaas Afwerkii kaleessa “dhimma biyyoota lamaanii, naannoo, fi idil-addunyaa” irratti mari’achuun, “abbaa biyyummaa fi qulqullina naannoo” Somaaliyaa irratti xiyyeeffachuun, ibsi Ministira Odeeffannoo Eertiraa Yemane G. Meskel irraa bahe ni mul’isa.
Pirezedaantii Mohaammad Onkoloolessa 09 daawwannaa hojii guyyoota sadiif Asmaraa kan deeman yoo ta’u, Ministira Dhimma Alaa Somaaliyaa Ahmed Moalim Fiqii dabalatee jilli isaanii waliin buufata xiyyaaraa idil addunyaa Asmaraatti Pirezidaantii Isaayyaasiin simatamaniiru.
Ministeerri Odeeffannoo Ertrea Yamanee G/Maskal akka jedhanitti mariin kun keessumaa “abbaa biyyummaa, qulqullina naannoo fi tokkummaa” Somaaliyaa cimsuu keessatti “tumsa biyyoota lamaanii cimsuun” barbaachisaa ta’uu cimsee ibsaniiru. Qaamonni kunneen qormaata waggoota kurnan lamaan darban keessa mudate keessatti “misooma” Somaaliyaatiif barbaachisoo ta’uun ibsamaniiru.
Hoggantoonni kunneenis “arkiteekcharii ittisaa fi nageenyaa hojiirra ooluu danda’u” dabalatee “dhaabbilee ciccimoo fi abbaa biyyummaa qaban” ijaaruun barbaachisaa ta’uu cimsanii dubbataniiru.
Mariin kun kan gaggeeffame gaanfa Afrikaa keessatti waldhabdeen dabalaa dhufee kanatti yoo ta’u, Ityoophiyaan Buufata Doonii qabaachuu irratti Somaaliyaandi waliin waliigaltee uumuu ishee hordofeeti, Somaaliyaanis mormiti.
Eertiraan leenjii Raayyaa Ittisa Biyyaa Somaaleef “gumaacha xiqqaa” taasifte beekamtii kan argate yoo ta’u, hoggantoonni lamaan tattaaffii ijaarsa biyyaa Somaaliyaa deeggaruuf gama ijoo biroo irratti “tumsa isaanii babal’isuuf” waliigalaniiru.
Daawwannaan kun prezidaant Mohamud bara 2022 erga filatamanii booda gara Eertiraa imala torbaffaa isaaniiti jedhameera
