#Adaamaa
“Namoota 3 du’anii fi madaa’an argeera” – jiraataa
Magaalaa Adaamaa keessatti; Mormii Aanaa Haroretii fi Aanaa Torben Oboo Bokkuu shanan keessatti dhoheen lubbuun namaa darbuu fi namoonni miidhaman argamuu dhagahuu dandeenyeerra.
Bulchiinsi magaalichaa adeemsa manneen aanaalee keessa jiran diiguu eegaluuf akka jiru jiraattonni ni dubbatu
Namni ijaan arge tokko akka ibsetti, kanaan dura manneen diigamuuf jiru jedhan “X” diimaan mallatteessuun har’a yeroo diiguuf dhufan jiraattonni mormii dhageessisanii ergasii humni nageenyaa dhukaasa banuun isaanii ni yaadatama.
Bakkeewwan kunneen waggootaaf gibirri itti kaffalamaa akka ture eeraniiru.
Akka jiraataan naannoo sanaa tokko jedhanitti , “Walitti bu’iinsa uumameen namoonni 3 du’anii madaa’an argeera. Waaree booda naannoo sanatti boo’ichi hin turre. Hunduu mana keessa taa’ee waan tureef maal akka ta’e beekuu hin dandeenye.” akka waliigalaatti ta’eera.”
Akka viidiyoon miidiyaa hawaasaa irratti arganne mul’isutti namoonni hedduun alaabaa Itoophiyaa fi naannoo Oromiyaa qabatanii mormii isaanii ibsachuuf daandii cufanii dhaadannoo “fardeen dhaabaa!!” jedhu dhageessisaa turan.
Viidiyoo biraa keessattis jiraattonni kunneen ulee fi dhagaadhaan daandii cufuu isaanii argineerra.
Jiraataan kun mormii dhageessisuu yeroo jalqabu dhukaasni eegaluu fi namoonni hiriira kanarra turan bittinnaa’uu argine jedhe
Namoota lubbuu isaanii dhaban namoota ijaan argan irraa dhageenye, garuu lubbuu namoota meeqa akka dhaban mirkaneessuun hin danda’amne.
Dhimma kana hooggansa magaalichaa fi qaamolee nageenyaa irraa qorachuuf tattaaffiin taasifne yeroof milkaa’uu hin dandeenye.
Sagalee Qeerroo Bilisummaa Oromoo ‼️
