𝐒𝐡𝐨𝐫𝐨𝐫𝐤𝐞𝐞𝐬𝐬𝐢𝐭𝐨𝐨𝐭𝐧𝐢 𝐅𝐚𝐚𝐧𝐧𝐨𝐨 𝐟𝐢 𝐇𝐢𝐝𝐡𝐚𝐭𝐭𝐨𝐨𝐭𝐧𝐢 𝐌𝐨𝐨𝐭𝐮𝐦𝐦𝐚𝐚 𝐖𝐚𝐥𝐢𝐢𝐧 𝐃𝐡𝐚𝐚𝐛𝐛𝐚𝐭𝐚𝐧𝐢𝐢 𝐉𝐢𝐫𝐚𝐧 𝐆𝐨𝐝𝐢𝐧𝐚 𝐖𝐚𝐥𝐥𝐚𝐠𝐠𝐚 𝐁𝐚𝐡𝐚𝐚 𝐎𝐧𝐚 𝐆𝐢𝐝𝐝𝐚𝐚 𝐀𝐲𝐲𝐚𝐚𝐧𝐚𝐚 𝐊𝐞𝐞𝐬𝐬𝐚𝐭𝐭𝐢 𝐋𝐮𝐛𝐛𝐮𝐮 𝐋𝐚𝐦𝐦𝐢𝐢𝐥𝐞𝐞 𝐍𝐚𝐠𝐚𝐚 𝐆𝐚𝐥𝐚𝐚𝐟𝐚𝐭𝐚𝐧

𝐒𝐡𝐨𝐫𝐨𝐫𝐤𝐞𝐞𝐬𝐬𝐢𝐭𝐨𝐨𝐭𝐧𝐢 𝐅𝐚𝐚𝐧𝐧𝐨𝐨 𝐟𝐢 𝐇𝐢𝐝𝐡𝐚𝐭𝐭𝐨𝐨𝐭𝐧𝐢 𝐌𝐨𝐨𝐭𝐮𝐦𝐦𝐚𝐚 𝐖𝐚𝐥𝐢𝐢𝐧 𝐃𝐡𝐚𝐚𝐛𝐛𝐚𝐭𝐚𝐧𝐢𝐢 𝐉𝐢𝐫𝐚𝐧 𝐆𝐨𝐝𝐢𝐧𝐚 𝐖𝐚𝐥𝐥𝐚𝐠𝐠𝐚 𝐁𝐚𝐡𝐚𝐚 𝐎𝐧𝐚 𝐆𝐢𝐝𝐝𝐚𝐚 𝐀𝐲𝐲𝐚𝐚𝐧𝐚𝐚 𝐊𝐞𝐞𝐬𝐬𝐚𝐭𝐭𝐢 𝐋𝐮𝐛𝐛𝐮𝐮 𝐋𝐚𝐦𝐦𝐢𝐢𝐥𝐞𝐞 𝐍𝐚𝐠𝐚𝐚 𝐆𝐚𝐥𝐚𝐚𝐟𝐚𝐭𝐚𝐧

(SQ-Onkoloolessa 10,2022)

Onkoloolessa 09,2022 Goolessitootni Faannoo fi hidhattootni mootummaa Bilxiginnaa waliin ta’uudhaan ummata nagaa irratti duulaa jiran Godina Wallagga Bahaa Ona Giddaa Ayyaanaa ganda Guutee Guddinaa jedhamu keessatti haleellaa raawwataniin ilmaan Oromoo 5 ol ta’an lubbuun isaanii darbuu maddeen keenya gabaasaniiru.

1) Obbo Fiqiree Dhiinsaa
2) Gaaddisaa Fiqiree – Ilma Obbo Fiqiree Dhiinsaa
3) Balaay Kabbadee fi namootni lama ammaaf maqaan isaanii hin baramin jiru haleellaa har’a goolessitootni Faannoo fi hidhattootni mootummaa waliin ijaaramuun sossohan raawwataniin lubbuun isaanii darbee jira.

Kana malees ijoolleen Obbo Fiqiree Dhiinsaa shamarran lamaa fi daa’imni waggaa 4 kan Obbo Dhugaasaa Amantee ta’e madaa’anii hospitaala Giddaa Ayyaanaa seenanii akka jiran maddeen keenya ifa godhanii jiran.

Namootni du’anis ta’e kanneen madaa’an lakkoobsi isaanii dabaluu akka danda’u kan gabaasan maddeen keenya, qabeenyi ummataa gariin yoo saamamu, kaan ammoo barbadaa’uu addeessan.

Godinoota Wallagga Bahaa fi Horroo Guduruu Wallaggaa keessatti humni finxaaleyyii Faannoo fi hidhattootni mootummaa gamtoomaan sossohan, ummata siviilii irratti haleellaa dhaabbataan geggeessaa jiraniin lammiilee Oromoo dhibbootaan ajjeesanii, kumoota kudhanootaan qe’ee irraa buqqisanii, qabeenya maallaqa miliyoonotatti shallagamu mancaasuun duguuggaa sanyii fi yakka waraanaa raawwataa jiran.