Manni Lubummaa Finfinnee tajaajiltoonni yeroo Qiddaasee fi tajaajila hafuuraa biroo bilbila harkaa qabatanii mana amantaa akka hin seenne dhorkamuu beeksise.
Manni amantaa kun yeroo sooma guddaatti tajaajilli kun akkamitti akka gaggeeffamuu qabu ilaalchisee bulchitoota, barreessitoota, lallabdoota wangeelaa, fi luboota mana amantii fi waldoota hunda waliin marii taasiseera.
Maricha hordofuun qajeelfamni adda addaa kan ba’e yoo ta’u, waliigalteerra ga’ameera.
Qajeelfama kana keessaa tokko yeroo qiddaasee fi tajaajila afuuraa biroo mobaayila gara mana kiristaanaa fiduun cimsee dhorkaa ta’uu isaati.
Dhorka cimaa kana akka isaan beeksisuuf xalayaan qajeelfamaa manneen amantii fi mana amantii hundaaf ergameera.
Kanaaf, “Gochoota Golgootaa nama irraanfachiisan , eebba nama dhabsiisan, ayyaana irraa fudhatan keessaa tokko waan ta’eef bilbila harkaa fayyadamuun dhorkaadha” jechuun ibseera.
Bulchitoonni mana qulqullummaa fi mana amantootaa fi manneen maree waldaa qajeelfama kana ciminaan hordofuu fi hojiirra oolchuuf qajeelfamni kennameera.
