Faawundeeshiniin Haacaaluu Hundeessaa Artiistoota adda addaa dorgomsiise badhaase.
(SQ-Waxabajjii 29,2022)
Sagantaan Badhaasaa Artiisti Haacaaluu Hundeessaa Artistoota buleeyyii fi dhaloota haaraa damee adda addaan bobbaโan badhaaseera.
Faawundeeshinichi Artiisti Haaloo Daawwee, Ibraahiim Adamii fi Zarihuun Wadaajoo tokko tokkoon isaani qarshii kuma dhibba 1 fi kuma 50 badhaaseera.
Dabalataan Sirna Badhaasa Haacaaluu Hundddeessaa waxabajjii 29/2022 kanaan Dameelee badhaasaa kanatti dhihaatan keessaa:
Walaloo Bareedaa (Best Lyrics) bara 2022, Siisaay Asaffaa Badhaasa waancaa fi Birri kuma dhibba 1 badhaase jira.
Yeedaloo Bareedaa (Best Melody) bara 2022 weellisaa Yoosan Geetaahun Badhaasa waancaa fi qarshii kuma dhibba 1 badhaase jira.
Sirba Cimaa bara 2022 (Song of the Year) “3Obsan” Yoosan Geetaahuun, Badhaasa waancaa fi qarshii kuma dhibba 2 badhaase jira.
Qindeessaa muuziqaa cimaa bara kanaan Artiisti Daawwiit Taaddasaa qarshii kuma dhibba 1 badhaase jira.
Sinimaatoogiraafi cimaa bara kanaa Artiisti Shimallis Taaddasaa injifateera.
Kana malees faawundeeshinichi ogeessota suuraa garaa garaaf beekkamtii kennuun saganticha haala ho’aa ta’een xumuree jira.
