Wallagga Lixaa Baabboo Gambeelitti waraanni Bilxiginnaa maatii keessantu Bosona jira jechuun uummata nagaa hiraarsaa jiraachuun beekame.
(SQ-Onkoloolessa 5,2022)
Waraanni faashistii Bilxiginnaa Fulbaana 1/2022 Godina Wallagga lixaa Aanaa Baabboo Gambeel Ganda 02tti halkan keessaa sa’a 3:00tti Mana Aadde Aagituu Fufaa cabsanii seenuudhaan Qarshii 5000 erga saamanii booda qabeenya mana keessaa fi manallee osoo hin hambisiin caccabsanii deeman jechuun maddeen SQtti himan.
Aadde Aagituun nama siyaasa keessaa qooda hin qabnee fi hawaasa keessatti jaallatamummaa guddaa qabanidha kan jedhan maddeen, badii qabaatanii osoo hin taane Sababa Abbaa manaa keetu Bosona jira jedhuun waraanni Bilxiginnaa qabeenya isaanii caccabsuun maallaqa saamanii deeman jechuun dubbatu.
Yeroo ammaa kanas Waraanni Bilxiginnaa kun Aadde Aagituun akka mana isaaniitti hin deebine dhorkuun, Aadde aagituun qe’ee isaanii dhiisanii baqachuu kan nuuf himan maddeen, Ollaan isaaniis gocha Gara jabeenya Bilxiginnaa kanatti rifachuun qe’eef qabeenya isaanii dhiisanii bakka birootti baqachuuf dirqamaniirus jedhan.
Mootummaan paartii Bilxiginnaan Kutaalee Oromiyaa bakkoota hedduuti network balleessuun gochoota suukanneessoo uummataa nagaa irratti raawwachaa jira.
